ຍີ່ປຸ່ນສົ່ງເສີມການຫາລືກ່ຽວກັບອາກອນມູນຄ່າເພີ່ມສຳລັບເຈົ້າໜ້າທີ່ການເງິນ
(ຂປລ) ກົມສ່ວຍສາອາກອນກະຊວງການເງິນ ແລະ ຍີ່ປຸ່ນ ໄດ້ຈັດກອງປະຊຸມສຳມະນາກ່ຽວກັບອາກອນມູນຄ່າເພີ່ມ (VAT) ຄັ້ງທີ 5 ຂຶ້ນໃນວັນທີ 7 ມັງກອນນີ້ ເພື່ອສົ່ງເສີມການຫາລືກ່ຽວກັບ (VAT) ໃນຖັນແຖວພະນັກງານ.
ກອງປະຊຸມສຳມະນາດັ່ງກ່າວຈັດຂຶ້ນເພື່ອລົງເລິກຄວາມເຂົ້າໃຈຂອງພະນັກງານກ່ຽວກັບການຄຸ້ມຄອງອາກອນ ເພື່ອການຈັດຕັ້ງປະຕິບັດທີ່ມີປະສິດທິພາບ ໂດຍສະເພາະແມ່ນແນໃສ່ຂະບວນການມອບຄືນ VAT ໂດຍອີງໃສ່ກົດໝາຍວ່າດ້ວຍ VAT ເຊິ່ງໄດ້ມີການຮັບຮອງຢ່າງເປັນທາງການໃນກອງປະຊຸມສະໄໝສາມັນຂອງສະພາແຫ່ງຊາດໃນປີ 2018.
ຂປລ
